1 | |
HStAOrient5a: 36r Ẓāhir budur ki Mevlānā‑i mezbūruñ mültezim‑i şerīʿat dėdügi ḥükemāʾ‑i // ehl‑i şerʿe cemīʿ‑i umūr‑i şerʿīye‑i iʿtiqādīyede muvāfaqat ėtmişlerdür. // Ve yaḫūd āḫir‑i ʿömrlerinde ẓann‑i fesādlarından rücūʿ eylemişlerdür. Ve illā // l‑ḥaẕer anlara mütābaʿatden va‑llāhu aʿlamu l‑umūr. [ʿİlm‑i ḥikmet] ʿİlm‑i ḥikmet: vāsıṭa‑i // ʿaqd‑i ʿulūm ve dürretü t‑tāci s‑selāṭīn‑i rüsūm netīce‑i kemālāt‑i // insānīye ve vesīle‑i maʿārif‑i subḥānīyedür. Wa‑man yuʾta l‑ḥikmata // fa‑qad ūtiya ḫayran kaṯīran. Ve ḥikmet bir ʿilmdür ki mevcūdāt‑i ḫāricīyenüñ // aḥvālinden baḥs̱ ėder nefsü l‑emrde vāqiʿ olduġı üzre // ṭāqat‑i beşerīye miqdārınca. Mevżūʿ‑i ḥikmet mevcūdāt‑i ḫāricīyedür. Kütüb‑i // muṣannefe‑i ḥikmet: muḫtaṣarātdan: Hidāyetü l‑ḥikmet Esīruddīn Ebherīnüñ ki // Mevlānāzāde anı şerḥ ėtmişdür ve İşārāt‑i Ebū ʿAlī ve muṭavvelātdan // Şerḥ‑i İşārāt‑i İmām Faḫr‑i Rāzī ve Şerh-i Naṣīr-i Ṭūsī ve Muḥākamāt‑i // Quṭbuddīn Rāzī ve Şifā ve Ḥikmetü l‑işrāq‑i Sühreverdī[dür]. Maʿlūm // ola ki ḥikmet iki qısma münqasımdur zīrā ʿilm‑i ḥikmet ki mevcūdātdan baḥs̱ // ėder. Görelüm eger ol mevcūdda bizüm qudret ü iḫtiyārīmüzüñ // medḫali olıcaq olursa ḥikmet‑i ʿilmīye dėrler. [Eger qudret] ve iḫtiyārīmüzüñ medḫali // olmayıcaq olursa ḥikmet‑i naẓarīye dėrler. Ḥikmet‑i ʿilmīye daḫı üç qısımdur. // Zīrā eger şaḫṣ‑i vāḥidüñ aʿmāline taʿalluq ėderse ʿilm‑i aḫlāq dėrler. // Bu ʿilmden maqṣūd iktisāb‑i feżāyil ve ictināb ʿani r‑reżāʾildür. |